رضوى الشربيني تتصدر محركات البحث في أول ظهور بعد وفاة والدتها: بكت على الهواء (فيديو)

المصرى اليوم 0 تعليق ارسل طباعة تبليغ حذف

اشترك لتصلك أهم الأخبار

بكتب المذيعة رضوى الشربيني، في أول ظهور لها ببرنامج هي وبس، على سي بي سي سفرة، بعد وفاة والدتها بسبب فيروس كورونا.

وقالت رضوى الشربيني كان عندي كابوس لمدة 50 يوم، مش قادرة ومش عاوزه أتكلم عن تفاصيله دلوقتي، أو مش عايزة أتكلم فيه، وهأتكلم عليها لما اقدر أتكلم عليها هتكلم عليها، لكن إحنا كان لازم نطلع، لأن عندنا رسالة، والرسالة دي لازم نكملها، كمان كان لازم أطلع عشان أنا هي هي نفس الست اللي قعدت 5 سنين تقولكم إن مع العسر يسرًا، وإن مهما حصل ومهما الواحد مر بحاجات مش كويسه، لكن ربنا موجود.

وواصلت رضوى الشربيني حديثها باكية: «اختبار صعب، والدنيا اختبارات، والحياة امتحان، كل واحد فينا عنده امتحان شكل، في مادة شكل، وكل واحد فينا بيمتحن قدر استطاعته، لكن أنا هي هي الست اللي كانت بتقولك هتعدي، وأنا كمان متأكدة إنها هتعدي، بالصبر والدعاء والصلاة هتعدي، وأنا طالعة النهاردة رغم إن كان عندي الاختيار إني مطلعش وإني استنا لحد بعد رمضان، بس أنا صممت إني أطلع، عشان زي ما بشجعك أنا كمان بشجعني».

وكانت الشهر الماضي، أعلنت رضوى الشربيني، وفاة والدتها وكتبت عبر صفحتها الرسمية بفيسبوك «يا أَيَّتُهَا النَّفْسُ الْمُطْمَئِنَّةُ ارجِعِي إِلَى رَبِّكِ رَاضِيَةً مَّرْضِيَّةً فَادْخُلِي فِي عِبَادِي وَادْخُلِي جَنَّتِي».

  • الوضع في مصر

  • اصابات

    185,922

  • تعافي

    143,575

  • وفيات

    10,954

إخترنا لك

أخبار ذات صلة

0 تعليق